陸羽仁 BLOG 2015年6月9日
MSCI狂熱
2015/06/09 09:19:11
網誌分類: 經濟
美國科技股腳軟，顯示在加息憂慮中，股市炒股在減退中。美股第三日向下，杜指跌83點，收報17767點；標準普爾500指數跌14點，收報2079點；納指跌47點至5022點。
內地股市昨日我行我素繼續抽高，上證綜指再升2%至5131
點。中國股市市值超過9萬億美元，高踞全球第二，重要性當然唔能夠忽視。據彭博社報導，全球最大的指數公司，MSCI指數公司，將於今晚決定是否將中國股市納入其全球股票指數。
報導指出，MSCI之所以遲至今時今日至考慮，原因係以前外國投資者唔容易直接買到A股，至滬港通開通，呢個障礙消除咗，所以又將建議放上會議桌上。呢個決定對於中國股票的前景影響好大，原因除咗係全球的基金經理以及股票基金公司都係使用MSCI指數作為全球股市的量度標準之外，目前嘅投資趨勢愈來愈傾向購買在交易所上市的指數股，美股每日在交易的1600隻股票基金股（ETFs），當中不少是指數基金股。當中國股市給放入MSCI指數內，意味著將有數以十億計資金會從其他新興市場例如巴西、南非等國家的投資，轉而投向中國股市。全球將有更多投資者持有中國的股票。
據彭博社資料，目前，以股市市值排名，美國第一，有24.8萬億美元，中國第二（包括上海及深圳），共有9.7萬億美元，排第三的是香港，有5.2萬億美元，日本及英國排第四、五，分別有5萬億及3.8萬億美。
近期中國股市狂飆，上海股市今年大升了58%，以科技股為主的深圳股市仲勁，升咗1.12倍！已經引起全球投資者的關注，亦見到愈來愈多資金湧入幾隻剛剛成立，可以買到A股的ETF。市場上最大嘅安錫新興市場指數ETF（iShares Emerging Market ETF），使用MSCI新興市場指數（MSCI Emerging Markets Index）嘅，就涉及1.5萬億美元。
MSCI新興市場指數中，有23%係中國股票，不過，全部都係香港上市的H股。排第二及第三位的是南韓同台灣股票，分別係14%同13%。由於中國市場遠比香港大，所以MSCI指數公司加入少許A股，都會將中國股票的比例推上30%，有分析估計，如果將A股在指數內做出相應份量的調整，應該佔指數的60%！
不過，分析指MSCI調整全MSCI全球指數（MSCI All Countries World Index）中國股市佔的比重，對中國股票更有利，因為目前佔比只有2%，相對於排第一嘅美股50%及第二嘅日本8%，仍然相差很遠。如果按市值比例的話，起碼要加到大約19%，如果真係咁，你估吓會有幾多外國資金會來中國買股？不過好多人話，MSCI納入A股指數，唔會咁順利喎。
陸羽仁
回應(2) 我想回應
陸羽仁 BLOG 舊文