女神tea time：一隻講明轉型殼
■新天地產3個交易日升咗超過1倍。 資料圖片
香港盛產怪獸家長，早兩日一位阿太笑到見牙唔見眼，接受《蘋果》訪問，話為咗令個仔入到喇沙，由油塘搬到九龍塘，仲幫個仔報11個興趣班，包括劍擊、跆拳道、遊泳、非洲鼓、中英數等等。可憐阿仔一臉
無奈，仲俾媽媽逼佢講「好開心」。興趣班原意係由興趣出發，發掘小朋友潛能。如果連興趣都冇，學都冇心機學，你點逼佢都冇用啦。坊間仲有唔少所謂興趣班，教個豆丁做iBanker，教佢炒股。喺學校已面對競爭，放咗學就上啲咁功利嘅課堂，唔止毀滅童真，亦好易灌輸錯誤概念。
入正題，呢兩日留意到隻爆升股新天地產（760），3個交易日升咗超過1倍，本來講高追真係淆曬底。不過睇番資料，公司2010年向天倫集團的張氏家族，以38億元收購物業，當中有30億元係發CB支付，如果全部行使，將佔經擴大股本68%。
根據最新一期年報，尚有23億元CB未兌，並將會於今年底到期。呢批CB未來有兩個處理方法，一係由張氏兌咗佢，一係賣畀人，兩個都為公司帶來易手機會。
近來公司係咁沽物業，而年報亦講明，集團正物色物業以外的商機，聞到轉型陣除。批CB兌換價0.33元，新天地產昨日先升破呢個成本價以上，冇理由咁快炒完。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文