魚樂無窮：給短炒客一句話
■退休規劃師建議取消中環電車路段，擴大道路面積舒緩塞車情況。 資料圖片
退休規劃師建議取消中環電車路段，擴大道路面積舒緩塞車情況，呢位人兄可能打政府工打得太耐，腦筋轉動較少。點解阿爺落場掃貨，A股都升唔起？中央逼不得已出手，背後必然有更大危機，可能係銀行體系
問題，可能係經濟問題，更大可能係兩者同時出現問題，散戶用少少腦力都一定諗到，所以逢高必沽。同一道理，道路擴闊只會惹來更多私家車佔據。結果係點？當然係更加塞車，空氣更汙濁，屆時又冇得揀搭電車喎，民怨肯定更勁。講到呢度，我覺得佢體內充滿黃絲基因。
港股上周四急插400點，本報即日進行散戶調查，結果令人不寒而憟，有四成受訪者竟然積極撈底！眾所周知，散戶唔驚證明個市未見底，翌日恒指再跌347點，當晚美股喪冧530點，完美演繹相反理論，市場從此又多一批蟹民了。
有跟開本欄facebook嘅戰友都知，唐牛上周五身體力行去咗行山，維持身心健康之餘，更重要係要避開股市，保住荷包體魄。不是嗎？股票再一次大平賣，心思思撈貨是必然的，但避險情緒高漲，股市走資潮無日無之，股票肯定越賣越平，撈底要有長期作戰心理準備，更要分注行事。只爭朝夕嘅戰友，想靠大奇蹟日翻身？唐牛贈你一句︰財不入急門。共勉之！
唐牛
https://www.facebook.com/tongcow88
唐牛
魚樂無窮 - 唐牛 舊文