異動空間：
是時候博反彈？
為令周末輕鬆放假，執筆時為上周五收市後，若周末降準或出招救市，就睇小弟fb update吧。港股連挫五周累跌3,000點，幅圖一定係極殘，所謂「最唔掂的股市都有反彈的一日」，博反彈是合情合理之舉。過去幾日不斷有fans問「可以撈貨未？」「哪些優質藍籌可以吸
納收息？」可見在陰跌市溫水煮蛙下，不少投資者尚未出現恐慌，與7月初股災時的氣氛截然不同。
有戰友問，何解藍籌穿曬股災底，但不少二三線股反而仍有一段距離呢？例如網龍（777）。二三線特點係貨源較疏，如散戶持股比重較多，股價會更易受市況氣氛影響而大幅波動。7月初A股股災，人人要錢唔要貨，全部隔空20格、30格咁掟落去，自然會出現離奇低價，這種情況是可少注博反彈，因為恐慌過後，遭過度拋售而錯價的股票會極速反彈，值博率高。近周陰跌市恐慌程度遠不及7月初，沽錯價的機會較低，即使有幅度也不多，撈底就不易贏錢。
如現時閣下衝入場唯一理據只係9 RSI跌到15以下，小心雞糊博不到又再出銃，幾個回合過後，好易陰乾閣下來之不易的財富。
魏力
http://www.facebook.com/2012jason
魏力
異動空間 - 魏力 舊文