魚樂無窮：尋找追揸沽錦囊
■港股昨日報復性反彈逾700點。 李潤芳攝
還記得大學take過一科叫商業法律，內容唔記得，最有印象嘅係答題技巧︰每個case都以「假設咁咁咁，就要咁咁咁」嘅形式回答，只要將所有假設同結果寫曬出嚟就滿分，唔似數學題咁，要你畀絕對答案。
港股報復性反彈逾700
點，大部份戰友腦海有著同一條問題︰追唔追貨好呢？一諗到呢度，就有成千上萬嘅關連問題出現，化繁為簡，作一些假設更實際︰
1.假設大市見底，而家就係新升浪，恒指現價PE唔夠10倍，通街平貨，藍籌股內銀內險股同我一箱箱買返嚟！
2.假設大市未見底，而家就係反彈市，可以有兩個動作︰a.博反彈；b.候高沽。繼而衍生另一條問題︰究竟彈到幾時？冇人有水晶球，惟一可參考嘅就係歷史數據。恒指周三出現終極死亡交叉（50日線跌穿250日線），近年兩次大型股災，即2008年金融海嘯以及2011年歐債危機，恒指亦出現此利淡訊號，需知股災不會一跌到底，總靠反彈引獵物落疊。2008年大跌市，由死亡交叉水平計起，曾反彈兩成，2011年大跌市則反彈4.6%，幅度雖不一，但多貼近之前嘅浪底或浪頂等技術位。恒指近一年最明顯嘅大位係23000點，極有可能係今浪反彈嘅目標。由此計算，現水平仲有千點水位。覺得吸引就賭一鋪，唔吸引嘅就繼續剝花生，講完！
唐牛
https://www.facebook.com/tongcow88
唐牛
魚樂無窮 - 唐牛 舊文