中環迷你裙：
上唔切車點算好
■暴力救市已過了30多個交易日，大家對成效日益存疑。 美聯社
李克強「回家擠奶去！我要暴力救市」這金句已出現了30多個交易日，大家對成效日益存疑，更擔心救市資金就被班不明來歷的人洗劫，正如網民認為，紅十字會職員與城管聯合執法，搶走天津志願者
物資的片段是真一樣，大家均認為，這就是中國！
內媒做咗個統計，中證金救市以來買入395隻股，42%跌穿股災以來最低價，咁當然中證金冇可能咁醒最低位買，故坐艇個股一定更多，坐艇股票唔係大價股，是以中小股居多。早前中證監一邊調查恒生電子，匯金原來係第二大股東就是奇聞中的奇聞。
自古以來，任何一仗都要出師有名，搞清目標係乜。1997年亞洲金融風暴，金管局明白外滙基金不是無限金錢，要一擊即中，故掃來掃去都係藍籌、期指。今次明顯有人搞不清狀況，亂咁掃，再落人「中飽私囊」之口實。睇返大市，恒指9日RSI跌至8.2，大家知道要彈了，但減息降準唔升，到噚日先嚟爆升，極蠱惑！上唔切車？唔使灰心，一日跌市格局未變，賭落的勝算一定大於賭升，Sam昨日落場，也是雞仔注和雞咁腳食糊，靜候閱兵後伺機做淡更佳。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文