青心直說：
你哋係唔係啤殼？
■內地「錢可通神」的絕技，令港人甘拜下風。 資料圖片
股票市場的存在，原意為集腋成裘，把握行業商機把企業做大做強。奈何人性總是貪婪，監管又難保毫無缺失。環球金融市場未因資金氾濫而趨向穩定，反之，市場變得更變幻莫測。
妖股插水冇仇報
在香港直接上市門檻
高且亦甚須時，內地IPO市場又完全停頓，港股充滿淪為「啤殼天堂」的條件。內地「錢可通神」的絕技，令港人甘拜下風，更難得是肯借人頭甚至上市驅殼一用者亦大有人在，因為深懂「養殼」之道的人士，計算過風險與回報之後，發覺全配售、剛上市的多家創業板IPO公司，趁上市之初用一兩個億去收襪貨源，只要貨源集中歸邊，即可隨心意舞高弄低。
近期創業板的一隻二隻業績不甚了了的新晉妖股，只要屬於全配售性質，首日掛牌甚至之後連日較招股價累積數倍甚至10倍升幅，完成散貨後陰襪、插水亦冇仇報。關鍵是只要上市初期股價炒得越高，即使未有太多散戶落搭，拉勻亦已可大賺，封了蝕本門。
場內妖氣沖天，炒得高調，焉能不驚動監管機構神經，奈何人家台前幕後的協作與功力，較港交所與證監更有默契，尤其是人家業務簡單之餘、跟足上市規則要求，有如執藥，上市委員會實在難以say no，監管機構連同財庫局亦表達對情況之關注，亦只能令上市委員會向擬申請上市公司為發問而發問：「你哋係唔係啤殼？」明知所得答案跟老婆問老公有冇去滾、或老公問老婆有冇整過容不會有分別仍要問，看來監管機構亦冇橋。
胡孟青
獨立股評人
胡孟青
青心直說 - 胡孟青 舊文