中環在線：型格look拍廣告
王維基免費幫謝瑞麟
■王維基呢個pose好chok喎。
■邱安儀 本地珠寶股謝瑞麟（417）今年聖誕唔再喺電視賣廣告，反而搵咗港視（1137）主席王維基（Ricky）、前女主播方健儀同埋香港女飛魚歐鎧淳等12
位不同界別嘅名人，拍攝一輯背景全黑嘅平面宣傳廣告，個個舉起手指擺曬pose咁，望落就知係賣型格啦！呢個名為「指語」嘅新系列大概用咗7位數字做宣傳，據悉Ricky今次更加係不收分文幫手㗎！
方健儀 歐鎧淳 有份拍攝
據了解，王維基今次係免費幫謝瑞麟拍廣告，除咗因為謝瑞麟有喺HKTV mall平台賣嘢外，主要係Ricky好buy今次嘅宣傳理念，謝瑞麟就話同Ricky一向關係唔錯，一搵佢就即刻受邀幫忙喇！睇返謝瑞麟用「銳意突破傳統限制」去形容Ricky，而Ricky句指語「不斷想來想去的叫『理念』，用手用力去做的才叫『信念』」係佢自己諗嘅，見到Ricky嗰個chok爆諗嘢樣、成個沉思者（The Thinker）咁，睇嚟佢可以繼續接拍廣告喇！
除咗佢之外，謝瑞麟仲搵咗方健儀、歐鎧淳同埋英雄輝㖭，除咗係因為佢哋夠紅，公司話佢地講返自己嘅故事，市民會好有共鳴，可以話係不同界別嘅代表人物！至於「禦用Model」，即係靚太主席謝邱安儀，公司話唔想太hard sell，所以無機會粉墨登場喇！
今次搵咁多本地名人做宣傳，謝瑞麟話，佢地一向都好重視香港同內地嘅市場，強調係雙線發展、從來無忽視過本地客咁話！
■前主播方健儀 
■香港女飛魚歐鎧淳 李華華
mailto:LiWaWa@AppleDaily.com
李華華
LiWaWa@AppleDaily.com
中環在線 - 李華華 舊文