一周三件：華電福新平爆
■華電福新主打多元化環保電力業務，包括風力發電。 資料圖片
各大媒體又再報道，祖國華北區霧霾嚴重，PM2.5爆曬燈，環保瓣數keep住長撈長有，華電福新（816）明年得5倍幾預測PE，平到笑。
受惠國策佔優
華電福新阿媽華電集團，係祖國電力界中嘅超級大孖沙，華
電福新本身又主打多元化環保電力瓣數。而去到今年6月尾，華電福新喺風電、太陽能同其他潔能三瓣裝機容量，同比增加咗38%、58%同176%，環保電力瓣數容量，兼等於集團總容量70%比重，風電裝機容量更加超越煤電嘅3,850兆瓦，去到4,997兆瓦。
祖國空氣汙染勁，棄風係一個問題，而風電火電相爭，亦係問題所在。華電福新家陣新增裝機，主要都係環保電力，啱曬國策路數，若果阿爺日後整治火電問題，華電福新已經佔優，兼即時彈出。又商務部部長高燕呢期啱啱講，祖國十三五時期，節能環保投資規模高達17萬億元人仔，睇到呢瓣繼續係鐵膽國策。
華電福新今年頭九個月盈利只係微增0.6%到14.8億元人仔，但集團由4月5蚊高位，累跌54%，現價2.32元潛喺近兩年底，往績PE得番8倍，貼住上市以嚟最低水平，亦比起上市以嚟平均12倍PE，平咗33%，乜嘢負面因素都反映得八八九九。
又場內專業評估，華電褔新明年turnaround，EPS0.4港元，跌到得5.8倍PE。場內同級數嘅龍源電力（916），明年預測10倍PE、華能新能源（958）8.6倍，京能（579）7.3倍，華電褔新PE，真係平到笑。就以追京能明年PE咁計，華電褔新講緊要升26%，到2.9元。
錢雋
細價股專家
本欄逢周一、三、五刊出
錢雋
一周三件 - 錢雋 舊文