魚樂無窮：回調上車勝算高
■鷹美客戶粒粒皆星，其中包括Nike，美國市場溢利佔比達四成，說穿了又係一隻美國復蘇概念股。 資料圖片
主要以OEM設計及製造運動服裝嘅鷹美（2368），放榜後強勢爆升，經過連日回吐後已重返起步位，在坐擁三大優勢下，吼位入場短炒長揸皆宜。
優勢一︰業績靚。截
至9月底止，中期收入雖僅升7%，但業務重組配合生產流程改善，毛利率大幅擴闊4.6個百分點至23.1%，帶動盈利飆升82%至1.2億元，年度化市盈率只得5倍，股價兩個月爆升近八成，變得理所當然。
優勢二︰股息高。鷹美出名派息慷慨，近10年無間斷派送，一輪大升浪後，股息率依然達7.7厘，比起唔少公用股及房託股更吸引，做其股東，名副其實財息兼收。
優勢三︰前景俏。公司客戶粒粒皆星，包括Nike、The North Face、Puma等，美國市場溢利佔比達四成，說穿了又係一隻美國復蘇概念股。唔好忘記，明年係奧運年，產品需求肯定有增無減，配合中國國策推動體育產業，好消息打孖上，鷹美業績有曬保證。
以黃金比率分析，10月初到11月中的升浪，高位調整0.382倍，支持位落在2.33元，剛好近兩日股價在此水平已有喘穩跡象，在資金越趨挑剔下，翻炒只係時間問題，如能突破2.8元阻力，將進入無蟹貨區，升勢只會更勁，值得真金白銀落場參與。
唐牛
https://www.facebook.com/tongcow88
唐牛
魚樂無窮 - 唐牛 舊文