異動空間：避技術陷阱有法
中國經濟無起色，港股大勢陰乾向下，魏力向資深炒家請教，如何在此等悶局中搵食？他歎口氣道：「盡量唔好出手，專心工作。」佢咁講當然唔收貨，再三追問下，他終於講番啲具體操作心法。「未跌穿9月底位20300之前，只是橫行隔局，大跌（如500點以上）就買啲貨，挾淡倉就
沽番出來。其他時間不買不賣。」
「低買高沽人人都係咁講，但點先知邊個位係低，邊個係高？」我反問。「唔少股份近排都係區間橫行，可吼橫行區底部買，如跌穿底部就走，咁樣輸都係有限數，起碼計到輸幾多。」資深炒家再補充：「美國就快加息，個市冇新錢流入，塘水滾塘魚，莊家大戶點搵食？就係製造技術陷阱，畫圖引炒家追入就派畀佢，跌落低位再收番，咁就可以trade低自己個成本。其實7月股災好多大戶都做曬蟹，佢哋近月就用呢個方法等自己甩身，或者輸少啲。」
邊啲形態比較可靠？「圓底好啲，營造時間越長越好，因為大戶唔會花半年畫個圓底引你入場！太浪費時間。」暢捷通（1588）7月以來形成大圓底，剛突破250日線。
魏力
http://www.facebook.com/2012jason
本欄逢周一、三、五刊出
魏力
異動空間 - 魏力 舊文
來源 source: http://hk.apple.nextmedia.com