魚樂無窮：兩成水位潛力股
眾多財經專欄寫手，最欣賞土炮芬佬黃國英，評論貼地傳神，贏輸戰績全公開，每次拜讀完，無論心靈抑或操作上，都總有得著。最近他寫到港股只剩下數萬名病態賭徒，每日互相廝殺，塘水滾塘魚……
是的，作為病態賭徒，我每日都為下注感到煩惱，大價股早已放棄，細價股嘛，只集中在
某幾隻殼股，透過短炒拉低成本，除非夠值博率，否則也不會開新戰線，今日推介嘅卓悅（653），是其中一隻潛力股。
卓悅大股東葉俊亨去年底突割愛，出售16.2%股權，每股0.555元，較當時溢價17%。邊個咁進取接貨？原來係商人陳健文，佢冇幾耐仲做埋卓悅執董。卓悅上周再委任東亞（023）前掌櫃尹焰強做執董，他是海富國際行政總裁，主打項目融資、資產管理等，最有趣的係陳健文竟也是海富執董，意味這個黃金組合，已搬到卓悅的董事局；又陳健文人脈極廣，在內地擁有房地產等多瓣業務。齋計上述憧憬已夠起鑊，幾時先有東風？唔通就係等今日業績？補充一句，卓悅現價較陳健文入場價低水逾兩成！
唐牛
https://www.facebook.com/tongcow88
本欄逢周二、四刊出
唐牛
魚樂無窮 - 唐牛 舊文
來源 source: http://hk.apple.nextmedia.com