智取大市：放水市強極有限
■央行放水嘅真正意義，係為咗救經濟；圖為歐洲央行總部。 資料圖片
港股上星期五出乎意料地爆上，地產股、科網股、細價股炒到㷫烚烚，同星期三、四嘅情況，完全係一個逆轉。突然之間雞犬皆升，最正常係視之為升市尾水。反而個幾月前，大家驚加息驚脫歐驚呢樣驚嗰樣，但市又極跌
唔落之時，先係買貨機會。
去到今日，大家憧憬放水，所以谷得起環球股市，呢個故仔大家都識講，即係已喺股價上反映。不過，央行放水嘅真正意義，係為咗救經濟、抵擋危機，即係唔掂，先不停卡數冚卡數，就好似一個負債纍纍嘅打工仔一樣，再借錢都唔代表佢翻到身；更重要係佢如何搵份更高人工嘅工作，有增加收入嘅能力，先至有真正嘅好日子。
以目前經濟同科技發展進度，有概念但時辰未到，股市已經升到咁上下，就難有大型突破，情況有如打工仔未有增加收入能力一樣，同樣未有轉機。
科技貴為人類希望所在，VR概念、蘋果概念股貴一貴都有人買，舜宇光學（2382）同瑞聲科技（2018）兩隻蘋果概念股上星期五破頂，連埋呢棍，估值去到極限，未來上升空間更少。龍尾股高偉電子（1415）以及手機設備股比亞迪電子（285）可考慮短線追嚇落後。
晉佳
http://www.fb.com/advanceguy1
本欄逢周一、三、五刊出
晉佳
智取大市 - 晉佳 舊文
來源 source: http://hk.apple.nextmedia.com