亮說亮話：
樓奴兒有樓有高潮
■Seasun在電視節目發表「有樓有高潮」言論。 資料圖片
有老友見到一位女士表示接受別人包養，不過，她要有私人物業，唔好少過二千呎，仲話有樓有高潮，唔明白點解那位女士不顧羞恥，就算係都唔好公開講，搵燈頭幫手。我話二千呎住宅，普通一些都要4,000至5
,000萬，地區稍為好一些超過一億，燈頭點幫手，惟有自己出馬，明碼實價。不過，我認為那位女士並不是推廣自己，而是幫一個新樓盤做推廣，那位女士其實是某位女士，「媒」是也。
老友話記得在2003年去睇一個新樓盤，發覺有很多身材標青的女士在泳池邊，他睇了幾次，情況都是一樣，物業代理同佢講，有很多女模住在那個屋苑，分分鐘有免費餐食，老友心鬱鬱，問我好唔好買，我話以投資心態就值得買，如果以為有免費餐食就唔好考慮，那些免費餐點一定會話有樓有高潮，隨時連個單位都送咗畀人。
其實那些是時薪工作者，老友唔信，問其中一位女士住在哪一個單位，答案是她在這裏返工，老友心傷，於是以投資心態買樓，壓價一成，又俾佢買到，今日賺到笑。
老友問我可唔可以作一首詞畀那些有樓有高潮女士，我話作我唔識，抄就識，於是我用辛棄疾的《醜奴兒》改一下，變成樓奴兒。
樓奴兒之有樓有高潮：
少女不知樓滋味，愛上層樓，愛上層樓，為了新樓強作愁。
如今已識樓滋味，肉乳還休，肉乳還休，惟有排隊逐個抽。
湯文亮
mailto:jacinto.tong@gmail.com
本欄逢周二刊出
湯文亮
jacinto.tong@gmail.com
亮說亮話 - 湯文亮 舊文
來源 source: http://hk.apple.nextmedia.com