Can Bank：
超人唔表態 薯片失商界？
■長和主席李嘉誠表態，講明唔會提名任何人。
長和主席李嘉誠表態，講明唔會提名任何人，在上屆特首選舉經驗所得，唯一一個願意公開表明支持邊一個候選人嘅商界代表，今次講明唔會提名之下，旗下財團9個選委為其中一個候選人提名的機會亦大減，除
非他兒子李澤鉅突然有興趣同大眾分享佢嘅意向。
其餘四個財團包括會德豐、新地、新世界及恒地，共有32個選委，其中會德豐及新地各有9個，新世界有8個，恒地有6個。
眾所周知，商界政治立場嘅特點係無乜政治立場，選出嚟嘅特首幫到我做生意嘅當然好，做唔到嘅，唔好阻到都係重點，在此時此刻，公開揀一個嘅，選到當然好，選唔到麻煩就大，既然李嘉誠都唔提名，相信只餘下小量選委會提名候選人。
相信前財爺曾俊華冇咗大部份商界選委，建制大部份傾向支持林鄭，個別民主派又因為曾唔完全符合民主派訴求之下，變得左又唔係，右又唔係。反觀胡官在立場清晰之下，已經取得過百名選委支持入閘，睇嚟曾嘅告急牌，遲早都要打出。
散子
本欄逢周二刊出
散子
Can Bank - 散子 舊文
來源 source: http://hk.apple.nextmedia.com