智取大市：驚調整定博維穩
■港股技術上略為轉弱，但投資者對調整市已有一定防備。 資料圖片
當大家覺得港股久升後必有調整，有可能出現乜嘢現象？技術狗衝派好友可能心諗「不如等港股爆上先加注？」其他好友可能諗「不如等一等，等佢回番啲落嚟先買？」有貨lead住成條街的又可能會諗「不如而家食咗
啲先？」種種原因都會令個股可能跟恒指短期停滯不前，如果喺呢種情況下，仍有部份股份中線還是短線均保持升勢，回都唔肯回下，仲不停有買盤收集，就係好嘢。
即使有單日調整，好友亦會視為撈貨機會，有如釋除疑慮，加快搶強勢股，及後可能會搶升得更快。乜嘢股份處於呢種情況？又係上一日提到嘅科網股，騰訊（700）不用多說，仲有IGG（799）、比亞迪電子（285）之類。
恒指小時圖由保歷加上下軸之間遊走，然後慢慢變成於中軸下軸之間上落，技術上係略為轉弱了，不過，投資者心態上，已對調整市有一定防備，加上星期四至六習近平訪港，就算無維穩盤出現，投資者都自然加添一股維穩心態，港股又唔似即時有大調整風險。
反而趁近期恒指、成交轉趨淡靜之際，又有機會重返熱炒板塊收到勁窄嘅現象，即係只有極少數股份喪升，其餘股份上上落落、無厘精神嘅情況。
晉佳
http://www.fb.com/advanceguy1
本欄逢周一、三、五刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁：http://hksar20.appledaily.com.hk
晉佳
智取大市 - 晉佳 舊文
來源 source: http://hk.apple.nextmedia.com