中環在線：金舖遇劫後成立基金謝瑞麟笑談葉繼歡 - 李華華
■新抱謝邱安儀(左)打理得公司咁好，謝瑞麟(中)同阿仔謝達峰(右)就可以放心去教書。麥永健攝
老牌珠寶金行謝瑞麟(417)創辦人謝瑞麟終於走出入獄陰霾，噚日高調露面，見佢談笑風生，仲識講笑話當年，話唔知點解廿幾年前，大賊好鍾意打劫謝瑞麟，試過殃及途人，佢於是設立基金幫助受害者，𠵱家好少賊人打劫金舖，基金就轉去搞教育。
謝瑞麟基金同香港大學合辦創意課程，謝瑞麟親身主持啟動儀式。佢透露，呢個基金早於90年代初成立，用作救傷，事關以前好多大賊打劫金行，成日揀中謝瑞麟。
基金轉型推動教育
翻查資料，悍匪葉繼歡起碼打劫過謝瑞麟位於大埔道同旺角兩間金舖，後者尤其經典，葉繼歡與兩名同黨拎住AK47打劫謝瑞麟旺角金舖，同警方爆發槍戰，雙方開?幾十槍，禍及途人。謝瑞麟就?呢件事之後，決定成立基金幫助死傷者同佢??家屬。
時至今日都冇乜人打劫金舖，謝瑞麟見個基金仲?度，不如將佢重組，用作推動教育，培育珠寶業人才。首輪注資後，基金有過百萬元資金，上市公司之後每年會撥一部份盈利入去，希望搞多?課程畀學生。港大今次舉辦創意課程，謝瑞麟都會去講課，「如果反應好，我堂堂去都得！」
謝瑞麟早年因向旅行社提供非法回傭而入獄，出獄後，2011年任公司顧問。佢家陣日日返工，聲稱「全公司最勤力就係我！」，但只沾手工藝同產品製作，一提到管理同業務發展，就即刻擰頭話「呢?你去問我新抱(主席謝邱安儀)。」佢又公開大讚新抱?佢入獄期間，將公司管理得好好，放曬手咁話。
李華華
mailto:LiWaWa@AppleDaily.com
■90年代悍匪葉繼歡持槍打劫謝瑞麟，仲同警方爆發槍戰。
《亂?24》現正逢一至五每日更新，今周嘉賓陳淑莊帶肥佬黎同蔡瀾背包旅行遊中歐，即刻收睇：http://bit.ly/appletalk24
上一則: 樂香園：不退市的光環 - 密西比
下一則: 中環在線：電訊商宣傳戰鬥靚仔 - 李華華
中環在線 - 李華華 舊文