智取大市：中外運強勢睇2.8元 - 晉佳
■近期內地經濟數據有回春跡象，中外運下半年業績肯定受惠。
恒指由22800點樓上開始，已經連續出現多支陰燭，反映指數係有調整壓力，但係指數最近?高位尖頂回落，完全冇見到大戶派貨階段出現過，相信港股短線未見頂，照計會發力上多一浸。最近連續兩日下跌，應該係博反彈機會，多過沽貨離場時候。
大市未升完周期股值博
港股今個月剩番四個交易日，如無意外，9月會以長陽燭報收，仲要配合成交額按月上升，係利好訊號。
更利好?係，月線圖MACD線未跌破訊號線，仲要有跡象掉頭向上拋離訊號線，成功避過月線圖MACD沽售訊號，形成強烈利好，未來幾個月要睇好大市。
睇番近排唔少投資者對於港股升市不明所以，連續兩日調整就令唔少投資者腳震震，反映市場信心不足，原因係利好消息仲未浮上面，睇?有排未到好消息出貨階段，照計個市仲有得炒多幾個月。
近期港股冇乜好炒，係得奶股升得特別強勁，周期性股份就??氣，不過一旦港股有好消息推動向上，周期性股份有可能回勇，當中走勢比較好就有中國外運(598)，噚日跌市依然微升1格，守?保歷加通道中軸?20日線之上，短線有承接力，相信只等大市回穩就可以爆上。
中外運主要做貨運代理、船務代理、倉儲、海運等物流相關業務。貨運代理方面，中外運係中間人，搞手續、報關、船期之類，利潤率唔高，但營業額保持年年有增長，盈利亦偏向呈上升勢頭，呢個分部佔稅前盈利達到56%；海運業務係幫客戶進行短距離運送?增值服務，上半年仲蝕緊錢，呢個分部只要蝕少?錢已經當幫忙；倉儲業務盈利就按年輕微增長；船務代理賺錢但只屬平穩。
內地數據靚 下半年看俏
中外運本身管理層執行能力麻麻，但算係一盤穩賺生意，優點係部份業務有增長能力，缺點係利潤率偏低，加上海運業務虧損難以預測，所以估值要打折扣。市賬率0.66倍，已反映一切缺點有餘。
如無意外，中外運今年係連續第四年錄得純利增長。觀乎近期內地經濟數據有回春跡象，9月匯豐PMI又創半年新高，進出口數據又好番，中外運下半年業績肯定能夠受惠，上半年每股盈利11分，年度化市盈率7.2倍，但實際下半年盈利應比上半年高，2013年市盈率可能只得7倍樓下。
以上述情況睇，中外運預測市盈率去番8倍水平，應該走唔甩，股價至少上望2.3元，但股價轉強勢冇耐，真係唔好睇低佢，突破2011年高位2.5元，再上到2.8元，去到市盈率10倍，應該冇乜難度可言。
現價買可以分兩段止蝕，若然明顯失守保歷加通道中軸可撤退一半，跌破1.8元就沽埋佢。
晉佳
本欄逢周三刊登
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 中環迷你裙：定單湧緊去中興 - Samantha
下一則: 魚樂無窮：長假殺到短炒利信達 - 唐牛
智取大市 - 晉佳 舊文