趣BLOGBLOG：大折讓H股
派貨潮開始？
全世界都在靜待滬港通10月初推出，不過原來80多隻A、H股份，有20隻自4月10日宣佈滬港通後，已炒高一成以上，近半(9隻)升幅更達三成以上。
統計最大升幅的頭20隻股份，股權分佈則越來越散，予人的感覺是，滬港通未開始，所謂大折讓H股恐怕已經炒完，派貨潮是否開始？睇多數日應有分曉。
浙江世寶升得無厘頭
滬港通4月10日公佈於10月啟動，當日大折讓H股喪炒特炒，部份升幅動輒兩、三成，不過唔夠兩日，相關股份已經打回原形。短炒即損手，是散戶的通病，但大戶卻靜靜起革命，人棄我取，於三個月內靜俏俏地將垃圾大折讓股炒上。
10月準備開波的滬港通，當中不包括深交所上市的A股，但諷刺的是，最近這三個月頭5隻升幅最大的H股，3隻都是於深交所上市，理論上唔應該升，亦都冇可能會升，因為不受惠新政策。
但事實勝於雄辯，冇得升卻偏偏升爆廠，原因只得一個，大戶儲貨、炒高、然後高位散貨。
當大家仍?癡癡等滬港通開通，然後打算大炒特炒，恐怕成為接火棒的蛋散。
以A股於深圳上市的浙江世寶(1057)為例，過去三個月累升98%，是升得最無厘頭大折讓H股。4月中旬十大股東持股達到73%，但及至本周二，已減至62%，其他例如山東墨龍(568)及東北電氣(042)，亦出現類似情況，大股東股權已漸見減磅，股東分佈越見分散。
炒股好玩的地方，是充滿不合理，越理性越不適合短炒，如果大家仍想參與滬港通的派對，最正路是買港交所(388)，悶得?坐得會較舒服。
【想賺錢讀歷史】
DSE放榜，住同一層街坊C同股榮呻，阿仔想讀歷史唔讀BBA，叫我好聲相勸。17年前，股榮揀了BBA讀經濟，放棄了鍾意的歷史，這是我其中一個感到遺憾的地方。讀經濟只會留意眼前刻下的事物，讀歷史卻能看偉人智慧名言。要在商場賺大錢，要諗長線，讀歷史好過BBA。
書展前夕，有人叫我介紹一本書。今年認真重讀高中歷史導讀《Europe Since Napoleon》，讀書時千頁書當枕頭唔識寶，今年認真重閱，突然覺得係塊寶。
股榮
https://www.facebook.com/stockwing1
股榮
趣BlogBlog - 股榮 舊文