智取大市：中央點會益外國勢力
或者係歷史遺留落??原因，中央總要將「外國勢力」列為貶義詞，唔定性為仇人唔安樂。《人民日報》、特首話外國勢力支持佔中，但呢個外國勢力似乎來無影去無蹤，又好似識得分身一樣，總拿不出證據證明佢?存在，總之中央將所有估估嚇、證實唔到?衰?，屈落外國勢力先算。一句講曬，中央覺得外國勢力係壞蛋，要當小人咁打。
滬港通正式宣佈下周一通車，為?令人民幣走出去，係事在必行，延遲極都唔可以拖太耐，佔領運動點會可以幹預到。不過，點解係下周一呢，中央究竟有乜考慮？Recall滬港通會令資金點樣流轉先。滬港通分為北向交易同南向交易，北向交易即係海外或香港資金進入內地股市，至於南向交易就係大陸錢走出去買港股。北向交易同南向交易一樣受制於一個跨境投資總額度以及一個每日額度，總額度分別係係3,000億元(人民幣．下同)及2,500億元。至於每日額度，北向交易係130億元，南向係105億元。雖然呢個額度遲早一定會擴大，但係唔少分析，覺得滬港通益A股多過港股，原因係滬港通現制度之下，外國勢力入A股?錢，多過大陸同胞走出去，咁點解又會肯放多?外國錢入?玩？冇具體原因，但有往績可循。
QFII令外資輸足兩年
回顧嚇歷史，內地有合格境外機構投資者(QFII)同合格境內機構投資者(QDII)制度。內地容許外國勢力第一次買A股?QFII?2002年尾出台，到2003年7月9日，第一隻QFII正式落單掃A股。當時正值沙士後，港股開始飛升，但A股仲未跌到谷底。滬綜指?2003年7月9日收報1504，之後去到2005年6月，滬綜指跌到1000水平，先至正式見底回升。外國人首次QFII買貨後，要捱足足兩年、跌足三成先至開始重見天日。
上一期講到滬綜指醞釀RSI頂背馳，雖然超買完係可以再超買，但係噚日先升後跌，有沽壓出現。滬港通原本定?10月某一個星期一開車，結果9月尾外圍股市急插，然後拖極都唔開住，去到周一晨早流流突然話下周一通車，?A股嚴重超買?情況下就放外國勢力入?買股，又會咁??呢？
雖然係區區3,000億元，唔係乜?大錢，但能夠懲戒一嚇外國勢力，領導人暗爽，對你吹佢唔脹。下個星期一，就係滬港通開通之時，中央係咪有心好似QFII一役，再跣外國勢力多一鑊呢？如果呢種陰謀論又成立，中央有心擇個好日等外國勢力高位接貨，內地A股後市會點？唔使多講。
閣下可能問，點解用陰謀論蓋過基本分析？計我話，對住中共政權，唔用埋陰謀論去分析，點會夠全面。
晉佳
本欄逢周三刊登
晉佳
智取大市 - 晉佳 舊文