異動空間：上落市操作心法
港股24000關頂到行，連續兩日衝高後急回，大戶?重貨，見有人接梗係派?先，之後質低個市，等低位撈番再炒過，上落市就係咁操作。滬港通周一公佈，魏力已在fb叫沽貨，今年提早收爐。收爐可能誇張?，但暫時忍下手，等跌一千幾百點再執平貨機會不低。
前輩教落，追貨要揀有盈利、計到數的股票；炒概念、追泡沫股票，如目前的大折讓H股，萬一昨早高追?，轉頭午市散曬點處理？止蝕的話，第日隨時再破頂；唔止蝕死守，分分鐘捱多幾棍，進退兩難的關鍵在於，呢類股不少業績甚差，因為憧憬差價收窄而炒上，基礎脆弱。
記得有個故事：有一個罐頭，兩個人互相買賣，每次比現價出高1蚊，炒個不亦樂乎。終於有個人覺得罐頭唔值咁貴，決定打開個罐，睇嚇裏面有乜好食，發現裏面條沙甸魚已經發臭，才發覺中伏了。目前狀況可說十分相似。
中央擬設千億基金支持「新絲路」基建，中聯重科(1157)鹹魚翻生，機電股中，重慶機電(2722)走勢亮麗，過去大半年形成上升通道，成交配合增加，可以吸納。今年預測PE約11倍，PB僅0.75倍，息率近5厘，可攻可守。
魏力
http://www.facebook.com/2012jason
魏力
異動空間 - 魏力 舊文