金融High Tea 2015年5月12日
食水尾
2015年05月12日
央媽放水，但香港股民比內地股民冷靜。央行放水，雖然中港股市都升，但港股升幅就遠遜A股，頗有點食這波升浪水尾的味道。
港股高開260點曾見27837，可惜跟住已有沽盤淋冷水，升幅一度收窄至5點。內地早段亦唔掂，一度倒跌。但A股個勢強?，上證指數飆3%
，港股一度跟升逾兩百點，但3點內地收市後，港股又走樣，升勢放緩，恒指收報27718點，漲140點，升幅0.5%；國企指數收報14182點，漲133點，成交只有1310億元，只睇呢個成交數字就知港股無力。本周三公佈季績的騰訊(700) 最叻，收升4.6元，報158.6元，為恒指貢獻77點升幅，其餘科網股都炒上。
對於人行突然劈息，外資行摩根大通認為，今次減息時機早過預期，但做法符合市場利率明顯下降趨勢，有助在目前經濟環境下降低融資成本。該行估計，年內中國是否再減息或減存款準備金率，要取決於經濟及通脹數據，暫時睇就機會較低。
我就唔係幾同意摩通呢個講法，第一減息時機和預期相若，內地經濟唔掂，今年差不多一個月降存款準備金、一個月降準輪流做，減息無比預期早。
第二係內地經濟唔得，難免再降準和減息，你睇4月生產價格指數(PPI)和去年同期比較下降4.6%，跌幅無收窄，連續38個月有生產性通縮，阿爺唔放水，好大鑊，又邊有條件咁快停呢？或許因為外資睇淡放水前景，所以港股更弱。
復星抽完水料要?氣
正如《大時代》所講，股市本係集資之地，股票有價，公司自然樂於印股抽水。去年伸過手的復星國際，昨日停牌，外電引述消息指，公司計劃配售新股，籌集最高12億美元。每股配售價19.48至20.32元，較上周五收市價折讓3%至7%。
睇番過去兩年，復星進行不少併購，公司曾在去年底提出500股供39股供股集資，當時供股價9.76元，昨日停牌價比去年供股價升?差不多一倍。
去年復星純利為68.5億元人民幣，同比增幅24.2%，集團主席郭廣昌形容，創新高的2014年業績，預期是復星未來更大成長的起點，揚言公司進入了發展的快車道。
他指出，管理層一直在思考三件事：一是在融資上不斷優化，持續獲得穩定、長期和低成本資金；二是在投資上堅持價值投資，通過發掘全球市場各類資產，提升收益率；三是平衡好風險與成長。
復星經營模式，係控股型公司，做法有?似李嘉誠名下的和黃同股神巴菲特的巴郡，真正成績有無咁好，就要睇併購掌握時間同眼光。
復星近年多數去海外併購，佢?買到平?機會唔會特別大，關鍵係以佢?熟悉內地市場的條件，能唔能夠做到將收購到的公司業務帶入中國，去增加價值?。投資控股公司有上千上萬，真正成功唔係咁易，所以相信只要有機會，佢都會盡量用印股票去籌集資金，減低承受風險。復星在高位配股後，估計股價都要?一輪氣。
恩達掂親都驚損手
市場另一個焦點係超級過山車股恩達(1480) ，市傳證監正搜集恩達上市至今的買賣資料，消息令恩達繼續被拋售。恩達最低見8.75元，全日大跌48%，收報9.1元，成交金額2.59億元，成交股數2429萬股。好多股民買股係覺得跌得多等如抵買。
呢隻恩達唔講佢最高上過102元，就算以佢之前做10多元，都已經係嚴重偏高。由於佢上市唔係咁耐，業績無可能大變，?家個價仲係高過上市價1.23元幾倍，唔使睇都知佢仲係好貴，所以不要以為佢跌咁多，就覺得博得過。就算從炒賣角度，買佢比買大細中獎的機會更低，買大細都有47%機會贏，買佢隨時一入就走唔到。
恩達狂插，掂親都重傷，又搞寸?個派對，監管機構睇到實，結果搞到其他幾隻喪升股都?晒旗，好多三、四線股都獲利回吐。
對已經炒到10元、8元的喪升股，經此一役要再製造大奇蹟已經唔係咁易，至於細價股仔有無得炒，就要睇個別情況，有無消息同動作醞釀，因為?家個市仲係有好多人不甘寂寞，伺機炒作搵食。
陸羽仁
金融High Tea 舊文