魚樂無窮：十厘息復蘇股快起飛
■堡獅龍主打四個市場︰香港、中國、台灣及新加坡。 資料圖片
港股收復近半失地，但成交由燦爛歸於平淡，連續兩日不足千億，重返大時代前水平。唔敢講恒指已見頂，但動力不足卻是肯定的，深港通仍只聞樓梯響，戰友要有心理準備，短期都係塘水滾塘魚格局。
如斯市況下，細
價股成交大不前，莊家派貨更難得心應手，肯肯定會轉用炒上落策略，高位震倉低位收貨，愛炒細價股嘅戰友，轉身要更快，真係幾格都要袋住先。
唐牛認為，現階段搵績優股揸中線，可以出奇制勝。事關短炒已難搵食，唔少基金要回歸基本步，重新buy and hold，績優股必定有運行。上周推介嘅德永佳（321），逐漸逼近股災前高位，坐定定等睇好戲。
今日推介堡獅龍（592），與德永佳相似度達十粒星︰同衣履有關、派息吸引、業務turnaround。堡獅龍主打四個市場︰香港、中國、台灣及新加坡，除香港市場外，其餘三地處於虧損狀態，但近年虧損已大幅收窄，帶動業績三級跳，2014年盈利狂升4.7倍，最新中期業績亦保持增長，現價市盈率9.6倍，比同業佐丹奴（709）折讓四成，息率更達9.9厘，三個字講曬︰平靚正。望真啲，公司手頭淨現金4.4億，相當於市值逾三成，含金量更勝德永佳。股價正挑戰災後高位，一旦突破0.8元，海闊天空也！
唐牛
https://www.facebook.com/tongcow88
唐牛
魚樂無窮 - 唐牛 舊文