中環迷你裙：下周現轉角市？
■繼股市後，阿爺親手將人民幣中間價推冧。 資料圖片
若搞個政界頒獎典禮，田少必膺年度「政治抽水王」，田少本周喺facebook抽水話，「做領袖如果乜都理，隨時搞到一鑊粥，但宜家特區就有人唔明呢個道理，哈哈！」乜都理，又點止特區班豬隊友？乜都理
，都係北京政府專長。繼股市後，阿爺親手將人民幣中間價推冧，見到在岸、離岸價一瀉千里，阿爺亦是首個腳軟、死死氣入市托價，人行都沒澄清限制企業境內大額購滙的傳聞。
「又要馬兒好，又要馬兒不吃草。」股市維穩完，滙市再維穩，一來一回，究竟要多少個億才能夠填數？股市尚能控制，人民幣國際化到呢步，滙市又係咪咁容易玩弄於股掌中？中國經濟面臨廿多年最慢增速，中國「黑天鵝」停不了。大家都開始質疑中國有冇足夠的智慧去解這條國際化的大考題，須知道用共產黨式統戰是過不了鬼佬那關。
Samantha平日努力諗推介給大家，但在下周一就是江澤民生日，Samantha選擇去避一避，7月那股災，大陸網上瘋傳江系從中搗亂，習總生日滬綜指從高位跳水2%，月內失守5000、4000關口，家陣仲大把手尾跟，市傳習總有意地還以顏色為江慶生，各位不妨拭目以待。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文