異動空間：市場說的一句話
作為貼市的炒友，最難唔係追貨、斬貨，而係不做任何事。炒開股票就會知，企定唔鬱難過搵隻倍升股百倍。望住報價機：呢隻就快破位喎（例如特步（1368））！軍工股反彈喎！阿爺掃緊內銀呀！期指挾緊上去！只要有心搵，每隔幾分鐘，你都會搵到啲疑似賺錢的機會。心裏即時有把聲音
：買少少博下囉，賺兩三千蚊幫補嚇都好吖！嗱，細細注，輸都係有限錢啫！又或者：之前股災唔見咗一截，追番啲回報都好喎！以上呢啲藉口，兩個字概括：身痕。
不過，家陣個市就好似女仔唔方便個幾日咁，脾氣差心情唔靚，個市唔會主動搞你，但你又身痕走去撩佢，係咪抵俾佢車你兩巴？你唔忿氣去同佢理論，但女人心情唔好係冇道理講的，越講通常越出事，你個股票戶口最後都一樣。個市明明叫你leave her alone，你就係要適度有為，霸王硬上弓，注定冇陰功。Doing nothing is doing something，在股市中絕對知易行難。
恒指、H指已跌穿8月收市低位，但圖表上形成疑似雙底，9 RSI底背馳，疑似入市機會又出現，但都係嗰句：leave her alone la。
魏力
http://www.facebook.com/2012jason
魏力
異動空間 - 魏力 舊文