異動空間：熊二反彈來了？
美國非農就業數據差過預期，初頭解讀為經濟唔好，道指急隊250點，點知半日唔夠就升番曬，理由係大行話數據如此差勁，聯儲局有排唔使加息。一個消息，南轅北轍的解讀，締造道指大奇蹟日，埋單倒升200點。有報道將這與2011年歐債危機後、10月開展的升浪作比較，認為今
季可大彈，但買基金都聽過，往績不等於未來表現，參考價值有限，不宜將分析簡單化。
港股5個月大瀉8,200點後，最樂觀去睇會有個熊二反彈，之後進入熊三終極一跌。一手蟹貨的戰友，熊二是減磅好機會，但別奢望可以見番26000樓上，目標係盡量套現減低損失，而非手上蟹貨可重返大時代家鄉。手上無貨彈藥充裕的話，可以小注買些短炒。
黃金比率睇，如反彈0.382至0.5，恒指目標23400至24400，再彈到0.618，可見25400，但魏力相信機會好微。姑且用23500做目標，恒指水位唔夠10%，所以策略上現價博指數股，水位將不及二三線，對象係7月已見底的強勢股，例如科通芯城（400）。股仔都可買少少，但要明白莊家踢起個價係出貨唔係派錢，要hit and run，中就食糊，嚴守止蝕。
魏力
http://www.facebook.com/2012jason
魏力
異動空間 - 魏力 舊文