陸羽仁 BLOG 2015年10月26日
短炒內房
2015/10/26 09:10:06
網誌分類: 經濟
阿爺上週五黃昏，忽然宣佈由翌日起一年期貸款基準利率下調0.25厘至4.35厘；一年期存款基準利率下調0.25厘至1.5厘；同時，下調存款準備金率0.5個百分點至17%。市場預期釋放資金若6000億人仔。中國大放水，刺激歐
美股市上漲，特別係歐洲股市，德國股市抽高2.9%，法國股市亦大升超過2.5%。
美股前一日已經升了不少，上週五升幅無咁明顯，杜指升158點，收報17647點，升幅0.9%；標普500指數漲23點，收報2075點，升幅1.1%；納指受到包括亞馬遜、谷歌（Google）及微軟等科持巨頭派出靚仔財報成績表，科技股大幅上漲的推動，大升112點至5032點，漲幅2.3%，跑贏大市。
阿爺上週五晚宣佈雙降，其實係市場預期之內。因為睇最近幾四次?「雙降」，無一次例外，目的都係對沖經濟?「霜降」。4月20日係對沖一季度GDP大幅下行，；5月11日係對沖通縮；6月26日係對沖股災，而8月25日則係對沖人民幣暴貶。
中國近期GDP增長破7，特別係四季度經濟佔全年經濟比例三成以上，下行壓力仍大，要穩定增長，必需加大力度，救一救全年條數。另外，人民幣匯價雖然已經轉趨穩定，但央行外匯佔款的大幅下降，兩月跌近6000億，所以要以降准放水入市場補充相若的流動性。其次，內地市場總需求疲弱、去多餘產能緩慢導致通縮壓力加大，通脹率再度下行，PPI更係連續43個月負增長。更重要的係市場目前對於人仔貶值的預期無此前咁強，資本外逃壓力緩解，亦為阿爺減息降準提供了空間。所以市場已經預期阿爺勢必有所動作。
阿爺放水頂經濟，固然利好股市，但大家又唔好對後市太過樂觀，入市過於勇猛，因為邊際效用遞減的原因，減息對經濟的拉動作用力會續漸減少，尤其係今此次同時放開了存款利率的上限，市場預計第四季度經濟持平的機會比較，好難會出現急升。不過大市整體唔急升，甚至短期抽高會有回吐，又唔等如所有板塊都唔得。我覺得內房股會有比較好?表現，因為房地產信貸政策持續鬆動，利率持續走低，相對於多次減息之前，現時?房貸利率已經打咗六折！另一方面，股市暴跌之後，大量的資金又走番去買比較穩陣的內房股，所以可以短炒一?磚頭股。
美股上週五最搶眼的莫過於科技股，持有科技股?投資者更係開心到爆，據資料顯示，科技股板塊市值就大漲900億美元。而當中微軟股價猛漲10%；亞馬遜升6.2%；Google升5.6%；Facebook漲2.5%，幾個?fit人的身家就暴漲了共100億美元。
美股上周係連續第四周上升，標普500指數漲2.1%，係今年8月下旬以來最高收市位。當中反彈最勁板塊係能源股，累漲16.8%。最差係醫療保健板塊，上周五逆市跌0.7%，年內漲幅收窄至1.1%。截至上周五，已有170家標普500成分股公司發佈財報，占整體市場市值的42.6%，其中70%的公司業績好過預期。下周將會有超過150家美企派成績表，其中包括重磅股蘋果公司及艾克森石油（Exxon Mobil）。有分析指出，由於市場已經預咗美企去季表現唔會好得，所以預估?標準已經大幅下降，成績表遠差過預期的個案，應該唔會好多。再加上繼歐央行行長德拉吉上周表示歐央行可能放水刺激經濟，中國隨即宣佈「雙降」。在大水沖擊市場的預期升溫下，預計全球大市仍會繼續反彈。
今個月標普500指數已經的累計升超過8%，自8月27日的近期低位1868點起計，至今已反彈超過11%，美股已收復8月大跌的裂口，中港股市還遠未到那種水平，港股要升到24000點，才到番8月第二個下跌裂口的起步位。
港股未得，主要是之前跟大陸股市升得勁，起步位高。以及大陸經濟唔得，所以即使本地水浸，投資者對買股仲有戒心，但環球大市還在放水氣氛中持續反彈，港股也是反覆向上，雖然開始無咁有力抽高，但每次回吐400、500點又止到血，所以短炒都係等回吐向上炒容易一點。
陸羽仁
回應(4) 我想回應
陸羽仁 BLOG 舊文