女神tea time：當大台同港股一樣
■港姐陳凱琳連藝員訓練班只係sit過堂，就已經做到第一女主角。 資料圖片
無綫人才流失，藝人未學滿師，就焗住走前戰線第一排。港姐陳凱琳（Grace）連藝員訓練班只係sit過堂，就已經做到第一女主角。結果好明顯就係慘不忍睹，連黃秋
生都忍唔住踩到佢體無完膚。
通常機構將一啲未夠班嘅產品推上架，一係就好似大台咁，冇貨；一係就為唔理好醜，但求賺到盡。唔少創板股股份，擺明唔夠班，港交所（388）當然唔會批佢IPO上。不過有錢冇理由唔賺，百貨應百客。垃圾股冇得喺IPO食第一轉水，配售上市一樣得，你圍到飛咪圍到佢上市囉。隻立基工程（8369），擺到明話你聽，我係妖股㗎啦，你夠膽咪行入嚟賭兩轉囉。慘得過穿配售價後再跌多一成，隻嘢竟然由散戶炒返上去。經過一輪呆滯市，噚日創板股全部炒上，仲要垃圾行先。隻REF（8177）同立基同一日上市，同樣配股上，配售價0.75元。立基噚日收市較配股價升2.7倍。既然條街興炒垃圾，有閒錢咪細注跟風，當去澳門買大細，但記住眼明手法，以穿配股價半成止蝕，否則真係freefall。
當大台同港股一樣，將未夠班嘅人或隻股推上架，最後會係點？就係劣幣驅逐良幣，玩完。
Fifi
http://www.facebook.com/lovefrystock
本欄逢周二、四刊出
Fifi
女神tea time - Fifi 舊文