睇增長
2016/09/01 09:41:08
網誌分類: 經濟
睇美國IPO新股上市，多少都睇到美股潮流。
美國新股上市市場今年唔多掂，只有59家公司上了市，只是正常的一半，多少反映美股雖高，但市場氣氛不熱。市場觀察家期望秋季會好一點，主要有三個原因:市場仍在歷史高位附近，有利上市。新股回
報開始好過舊股。11月美國總統選舉，市場會較觀望，要上市趁9、10月上。
睇番 Renaissance Capital IPO ETF的表現，佢包含60隻美國新上市大型股票，今年升 8.3%，好過 S&P 500指數今年至今的6.8%升幅。
據紐約市場分析員話，未來投資者睇乜嘢新股買? 主要睇營業額增長。現在這個年代，好多公司的營業額在倒退中，盈利增長全靠金融工程，例如回購(匯控都係咁)，投資者問心唔鐘意咁，所以對營業額有增長的新公司有需求。
今年上市股價表現最好的新公司依次是Acacia升399% 、Twilio升261%、Talend升61%，他們全是營業額有增長的科技公司。預計未來上市較受歡迎的新公司，主要是科技類和消費類有增長的公司。
香港好多公司逐步公布業績，我們都要睇住佢地營業額有無增長。
另下方面，昨日油價下跌，加上市場等待今晚公佈的美國8月非農就業數字，美股8月最後一個交易日，反覆偏軟，但跌幅仍然唔大，交投亦繼續冷清。杜指跌53點，收報18401點，跌幅0.3%。
昨日拖累大市的主要後能源股，杜瓊斯能源指數跌1.4%。其中Chevron跌1.1%，係表現最差的杜指成份股。美國能源資訊署（EIA）公布最近一週的原油庫存增加230萬桶，高過市場預期，拖累紐約10月原油期貨跌3.5%至44.7美元。
美國今昨將公佈8月非農就業數據，市場預期職位增長18萬個，估計投資者心情比較忐忑，一方面當然唔想見到數字遠差過預期，因為太差的話反映了美國經濟正在轉弱，另一方面又唔想見到一個好強勁的就業報告，因為怕聯儲局可能提早於9月加息，會對股市造成衝擊。
昨日公布的ADP私人部門職位增長17.7萬個，略高於市場預期的17.5萬個。有分析指這個比較好的數字對市場沒有造成什麼反應，估計係覺得ADP的數字與非農就業數字其實無太大的關聯性。如果有覺得非農就業數據都會好過預期的話，美國國債收市應該都會作出反應，美國10年期國債收益率昨日一度回落至1.56厘，尾市又回復至1.58厘左右，而對加息比較敏感的美國2年期國債收益率走勢差唔多，收市維持有0.81厘。顯示市場仍在觀望。
陸羽仁
回應(3) 我想回應
陸羽仁 BLOG 舊文
來源 source: http://blogcity.me