中環在線：電訊商睇中夜期商機雲端找生意 - 李華華
■設計對白
港交所(388)下月8號推出夜期，證券行老闆除?要搵人輪更睇檔，仲頭痕緊點樣叫經紀將客戶?「柯打」錄音，事關唔係個個經紀都願意夜晚留守證券行，手機接客戶柯打始終有限制，有見及此，有電訊商就向證券行老闆埋手，推銷手機錄音計劃，但證券行暫時?反應嘛嘛。
錄低客戶落盤電話
聽聞，香港電訊(6823)同數碼通(315)睇到夜期可能帶來?商機，最近向證券行推銷手機錄音計劃，證券行要畀一筆服務費，經紀亦要額外畀幾百蚊月費，轉用電訊商特別提供?網絡服務，所有通話都會被錄音，證券行之後可以用雲端技術聽番?錄音。
聽落呢個服務幾好，經紀?5點至11點夜期時段，唔使留?證券行，?屋企或者企?條街度，都可以用手機接客戶?落盤。問題就係錢作怪，證券行暫時估唔到夜期旺唔旺，如果生意有限，證券行仲要嘔錢買套服務，真係未見官先打八十。
經紀嘔多筆未必制
而且，呢個錄音系統好似係冇得揀，所有對話錄曬音，即係經紀同情人講?悄悄話都會錄低，為保障私隱，經紀要出多部手機，專門用來接客戶柯打先至得；忽然多兩筆開支，既要買手機，又要用多個網絡計劃，經紀未必肯制。
講到尾，經紀?生存空間越來越窄，對於證券行?講，客戶直接用Apps或者網上落盤最慳成本，唔少證券行為夜期做好呢方面?準備工夫，經紀睇怕要自求多福了。
李華華
mailto:LiWaWa@AppleDaily.com
上一則: 鐵貨短期難扭虧
下一則: 中環在線：地監局主席狂呻辣招太辣 - 李華華
中環在線 - 李華華 舊文