中環在線：上市公司商會新主席和黃老臣子大熱 - 李華華
■設計圖片
做?上市公司商會主席四年?鷹君(041)主席羅嘉瑞夠鐘卸任，商會明天開會選新主席，財圈中人估緊邊位有力接棒。聽聞，呼聲最高係和黃(013)副董事總經理周胡慕芳，同埋晶門科技(2878)主席辛定華。
辛定華屬黑馬
周胡慕芳相當猛料，1984年加入和黃，係做?接近三十年?老臣子，舊年年薪4,758萬元。佢出身法律世家，阿爸胡兆熾係新地(016)成立初期?法律顧問，阿哥胡寶星更係胡關李羅律師行創辦人之一。
辛定華投行出身，曾?「小賭王」何猷龍旗下匯盈(821)做CEO，家陣係晶門主席。佢好熟監管機構，做過港交所上市委員會、收購及合併委員會同埋收購上訴委員會委員。
上市公司商會其中一項工作係同監管機構溝通、講數，兩位似乎都好有能力做主席。商會明天開會選新主席，周太同辛定華分別係商會常務副主席同副主席，前者只得一位，副主席就有四位。聞說周太一直係頂頭大熱，辛定華最近先至跑出。
之前都傳過金利豐(1031)行政總裁「殼後」朱太都係大熱，事關佢係商會副主席，不過朱太一聽到就即刻耍手拎頭，皆因佢除?忙自己生意之外，今年做埋證券商協會主席，加上佢係保良局董事局副主席，大把?做，如果做埋上市公司商會主席，真係三頭六臂都唔夠做呀！
李華華
mailto:LiWaWa@AppleDaily.com
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 樂香園：睇波好過博反彈 - 密西比
下一則: 中環在線：同場「鏈」過 - 李華華
中環在線 - 李華華 舊文