陸羽仁 BLOG 2013年6月26日
高盛睇好
2013/6/26 上午 09:37:54
網誌分類: 經濟
亞洲歐洲股市回穩，美國房屋銷售超及消費者信心指數好過市場預期，且創了多年新高，市場情緒好轉。美股反彈，杜指漲101點至14760點，標普500指數升15點，收報1588點。
美國昨日有多項經濟數據公布。5月耐用品訂單較上月增3.6%，增幅與上月持平。略差過市場預期，而衡量私營投資的重要指標核心商品訂單增長1.1%，係連續三個月增長。美國消費者信心指數則大幅攀升，6月消費者信心指數升至81.4點，遠好過市場預期的下降至74點，指數係2008年1月來新高。
房地產數據更佳，4月份的標普/凱斯希勒20大城市房價指數較上月漲2.5%，與去年同期比較大升12.1%，係7年多以來最大漲幅。不過，這個指數比較2006年的高點，仍有四分之一的距離，但大家唔好忘記那是近年的高位。美國房價上漲的原因，除了庫存較低，低利率亦刺激了購房需求，不過，隨著美國國債息這兩個月因為市場預期聯儲局「收水」，國債利率已經升了不少，市場預期利率上漲周期開始，樓市會出現一定的波折。
有分析指出，美國經濟數據靚仔，卻未有如好多交易員預期般增加市場對聯儲局可能會提早「收水」憂慮，轉而推低大市。睇股市恐懼指標VIX指數昨日跌超過8%至16.47，市場又唔係咁慌張。
Lazard Capital Markets市場策略師霍甘(Art Hogan)表示，「在目前的周期中，這是市場首次將好的經濟數據，看做好消息，作出積極反應，那將是一個重大轉變。」當然，單睇大市一日的走勢，唔可以判斷市場的大勢係點，畢竟，美股最近跌得咁慘烈，有番些較大的反彈，都係好正常。
高盛一個報告惹起關注，高盛歐洲策略師奧巴希馬(Peter Oppenheimer)發表名為「保持冷靜，繼續買貨」的報告，佢認為股票(主要指歐美股票)經過一輪調整後，還會上升，因為中線而言，股票是目前唯一一種資產仍提供到合理估值、有基本因素支持、再加有可觀回報的資產類別。
奧巴希馬一直是好友，佢去年發表報告，題為「長線良好買入:股票的個案」，形容當時的股票係一生一次的買入良機。但佢承認最近睇錯市，估唔到近期的跌市，話最近股票和債券下跌令人意外，佢地知道債息在某一點會開始上升，但估計不到近期的轉折點，但佢仍然相信在債息上升之初，股票會伴隨上升，因為大家都係因為預期經濟向好而升。而近期股票和債券俱跌，皆因投資者仍在分辨那種資產價格太貴，觸發沽售，但相信股票的沽售只是短暫的。
奧巴希馬話聯儲局對美國經濟的估計，比高盛估得還要高，聯儲局最近調降今年美國經濟增長預測至2.3-2.6%，但高盛只估計增長2.1%。若聯儲局最終決定收水，即係經濟比預期好，亦對股票等風險資產有利。佢估下一階段股價會由盈利增長決定，而非投資者主觀給予的估值澎脹。
高盛睇好股票，但要留意佢並唔係睇好中國股票，我地股市點走，都係睇阿爺多?齱C
陸羽仁
回應(7) 我想回應
陸羽仁 BLOG 舊文