實戰理論：大升市不需要原因 - 沈振盈
■下周期指結算，投資者宜在未來兩天陸續減磅，等結算後才再作部署。
昨日提到，恒指企穩21400樓上，淡友要小心，隨時會挾淡倉。言猶在耳，昨日一開市就挾上，熊仔屍橫遍野。近日不少人認為，成交淡靜，又有「死亡交叉」，應該是淡友等開餐之時。其實這只是表面的睇法，基本上過去兩周大市橫行，你可以說成是上升乏力，亦可以反映市底是好倉主導，跌不下去。筆者過往已一再強調，死亡交叉的訊號不可信，但偏偏個個被洗腦，次次「領?」都次次信。
港股昨日急升，策略上先將好倉食一半，餘下一半進可攻退可守。無辦法，近期市況明顯被大戶控制大局，只能穩守突擊，無謂令自己處於被動的景況。
睇圖聽消息 不如捉手影
昨日的升市，中資金融股居功至偉，內銀、內險皆有不俗的表現。經昨日一升，恒指已逼近22000關口，此乃另一個技術性阻力位，正路的做法是減磅再睇，絕不高追。
很多人問，昨日港股因何會大升近500點，其實大家真的要習慣去接受現實，股市之升，不一定要有消息。很多時是大升或大跌之後，才會有事後的解釋。
從技術分析的角度去看，恒指繼續沿著6月底起步的上升軌運行，趨勢並未改變。只要將防線放在上升軌底部，即21350點，策略仍是以低吸為主。
下周期指結算，筆者會在未來兩天陸續減磅，等結算後才再作部署。老實講，近數月的股市，睇住大戶的期權盤部署較睇圖或聽消息來得有用。消息有真有假，有好有壞，好消息可以是跌市，壞消息亦可以是升市，最實在的分析不如去捕捉大戶手影，估佢?開大還是開細。
沈振盈
證監會持牌人士
倪匡、蔡瀾同肥佬黎約埋一齊《亂?24》，你睇?未？
唔睇冇話題，第二集足本放送中！速上：
http://hk.apple.nextmedia.com/livestream/channel/talk24
有料放？想收料？入?【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
上一則: 曾淵滄專欄：炒作十倍股的藝術 - 曾淵滄
下一則: 財智語陸：挾多一浸平貨難求 - 陳永陸
實戰理論 - 沈振盈 舊文