中環在線：新一代核數師路數多 - 李華華
■打工仔營營役役，為更好待遇而跳槽都係人之常情。
2月尾至3月係業績高?期，最忙當然係核數師，最近中環熱門話題，就係唔少入職幾年?核數師難頂工作環境辛苦、工時太長，走得就走。聽聞唔少四大會計師行?核數師做幾年?曬牌就走，部份之後過檔上市公司負責睇數，人工隨時翻一番，咁就梗係走啦。
𠵱家大學畢業入去四大會計師行工作，月薪大約12,000元，之後一路實習一路考試，大約三年考到牌，考到牌之前，月薪應該都係未夠兩萬元，之後先至會加到兩萬幾至三萬元。
人工隨時翻一番
聽聞，部份創業板或四、五線上市公司請人睇數，出手相當闊綽，月薪五至七萬元不足為奇，亦會請入行四、五年?有牌會計師。呢類公司一年做兩至四次業績，相對?四大會計師行排山倒海?工作量，算係十分清閒，有得揀，當然知道點揀。部份?四大做核數?，亦可能幫公司客戶搞上市時，被對方老闆睇中挖角。
會計師公會前會長趙麗娟似係想淡化件事，指四大會計師行每年有一成人手流轉算係比較正常，佢認為今時不同往日，八、九十年代入行做核數師，通常只得兩條事業發展路向，一係向上爬做會計師行合夥人，否則就係走去大企業當財務總監之類。
但21世紀入行?核數師同以前有好大分別，佢指，新一代有好多選擇，更多人視會計係一個發展事業?基礎，考到牌，取得一個專業後，再向其他感興趣?方向發展，例如市場推廣、IT行業之類，甚或轉做顧問冇咁需要?飛?工作。
李華華
mailto:LiWaWa@AppleDaily.com
■趙麗娟認為四大會計師行每年有一成人手流轉算係正常。資料圖片
上一則: 樓市6年最強英鎊升穿1.68
下一則: 中環在線：新秀麗微信食星星熱宣傳 - 李華華
中環在線 - 李華華 舊文