中環在線：《竊聽3》廣告抄足新股上市 - 李華華
■驟眼睇，真係以為《竊聽3》要搞上市，像真度真係要畀個讚。
兩齣即將上映嘅電影《竊聽風雲3》與《失戀急讓》不約而同以財經橋段做宣傳，尤其《竊聽3》，上星期推出嘅平面廣告抄足新股上市廣告，仔細到印埋股份代號1465(代表上映日期今年6月5日)、公司喺邊度註冊成立等細字，認真到要畀個讚。
負責呢齣戲嘅市場推廣公司負責人董小姐話，背後並冇財經高人指點，佢哋只係搵新股廣告做參考，盡量學到最足。由於套戲本身就係講公司搞地產、搞上市，所以順理成章以新股廣告做宣傳，佢哋嘅目標係要做得似，但係又要讀者分得出呢個只係電影廣告。
至於《失戀急讓》，兩條電影預告片十足十地產代理推銷廣告，主角張家輝講曬代理常講嘅對白，好似盡做、高樓底，冇西斜，港人輕易產生共鳴。
上一則: 幾時買樓好？影帝KO李嘉誠「買得起就係時機」 - 李華華
下一則: 中環在線：有線電視搵猛人搞推廣？ - 李華華
中環在線 - 李華華 舊文