阿里有難
2015/01/30 09:04:48
網誌分類: 經濟
美國最近一周首次申領失業救濟金增長人數，意外地大幅下降，加上油價回穩，市場氣氛好轉。美股昨日下午開始大幅向上，完全收復上日失地。杜指收市升225點至17417點，升幅1.3%；標普500指數漲19點，收報2021點，漲幅1%；納指升45點，收報4683點，漲幅同為1%。
美國仍上周首次申請失業救濟人數減少4.3萬人至26.5萬，創了14年來新低，亦遠低過市場預期的下降至29.6萬人。聯儲局因為就業市場好轉加上燃油成本下降，已調高美國經濟增長速度的評估。不過，有分析師警告，投資者唔可以過分解讀只係一個星期的就業數據，因為數據好容易受到節假日以及氣候因素的影響。另一份有關美國房地產市場的數據就麻麻地，12月二手房簽銷指數較上月下降3.7%，增速減慢，惟指數仍較去年同期高11.7%。
紐約油價油價昨日中午一度跌穿每桶44美元水平，午後反彈，收報44.5美元，收市較上日輕微回升。大市亦與油價同步造好，扭轉早前跌勢。嘉信理財的Randy Frederick表示，「油價在下午雖然唔係升好多，但已足夠為連跌兩日的股市提振人氣。技術上看，股市有些超賣，只要有些正面消息就引發股市反彈。」
昨日的市場焦點係近期新聞多多的阿里巴巴，阿里巴巴昨日派成績表，調整後每股收益81美分，高過市場預期嘅74美分，但最重要的年底購物營收42.2億美元，差過預期的44.2億美元。成績表出街後，開市即插11.2%至87.36美元，之後跌幅逐步收窄，收市報89.81美元，仍跌8.8%，係去年10月初以來低位。計埋上日，阿里巴巴兩日內大跌12.8%！
股價跌得咁慘的原因與阿里巴巴同國家工商總局打口水戰有關。日前，國家工商總局出報告話淘寶上銷售的產品近三分之二係假貨，指責阿里巴巴對網上售假商家態度偏軟，阿里巴巴反駁國家工商總局的報告出錯，口水戰又迅速演變成一場醜聞。原來國家工商總局去年夏季就完成了關鍵的審查，但為咗唔影響阿里巴巴美國公開招股，遲遲無公佈結果。爆出咁嘅料，仲唔嚇到投資者沽貨走人？其實，阿里巴巴旗下金融分支正準備在今年啟動銀行業務，不過，這個利好股價的消費亦被密集嘅口水戰淹沒了。
路透中文網專欄撰稿人陽歌（Doug Young）日前預測阿里巴巴股價將進入較長期的回調走勢，並有可能在未來六個月去番公開招股價68美元的水平。不過，佢話原因並唔係上述的醜聞所致，因為醜聞對股只會造成短暫影響，況且阿里巴巴賣假貨已經唔係新聞，主要理由係阿里巴巴估值太高，即使股價大跌之後，以現價計，市盈率仍然高達50.25倍。不合理的狀況，短期內可以，長線最終還是回歸正常也。
值得注意的是阿里巴巴有難，在港上市的騰訊(700)
又如何? 正路估阿里跌騰訊都係同類，都會跌。我又話不一定，阿里、騰訊和美國上市的百度，是中國三大網股，唔買阿里因為個別股票太貴的原因，可以換馬騰訊，若然今日騰訊升幅上升並高於國企指數，就顯示有換馬之象，那麼未來阿里續弱，騰訊可能續強，又睇睇騰訊乜嘢走勢。 陸羽仁
回應(3) 我想回應
陸羽仁 BLOG 舊文