中環迷你裙：拒靠父蔭九十後
■國務院鼓勵六大行業走出去，紡織股以最冷門的身份當選，積極發展海外的申洲國際值得留意。圖為集團主席馬建榮。 資料圖片
期指結算日，逾九百隻股下跌，屏息靜氣等待突破，不少中資金融股和唔少細價股碌咗落山，揸沽未定，正想上facebook散散心，點知讀完那篇瘋傳的「九十後拒靠父蔭」後，就被一掌打落地獄，廿四歲仔，協助父親管理中小企生意（我重申，條題係「拒靠父蔭」），剛進公司就月入二萬五，下年仲加到三萬！
好戲在後頭，望到個百萬資產表，輸曬！有大陸物業，股票有和黃（013）、港機工程（044）同埋啲毫子股。Samantha炒股，都只係買過和黃call，和黃正股，邊個買㗎？大戶囉。呢一刻，Sam憶起小學時，見到同學食緊杯朱古力新地，好想好想食，但口袋裏只得兩蚊雞的無奈。
羨慕無助搵錢，輸在起跑線，又點？Sam炒股賺返嚟的更有成功感，好似瑞聲科技（2018）又順利開車，下隻申洲國際（2313），國務院鼓勵六大行業走出去，紡織股以最冷門的身份當選，積極發展海外的申洲值得留意。
為大品牌如Nike、adidas、Uniqlo等做代工的申洲國際，受惠於訂單復蘇，體育用品需求強勁，加埋中國棉花價格低迷，正式壠航，人仔貶值推高毛利更成為申洲的助燃劑，今年實屬黃金之年，一旦突破橫行區，不容忽視。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文