魚樂無窮：一隻未炒過的優質殼
■奧普現價息率7厘，市盈率11倍。圖為集團主席方傑。 資料圖片
第二季心水股推介奧普（477），無驚無險升抵目標價，三成利潤袋袋平安，現價息率仲有7厘，市盈率11倍，有力再上一層樓，戰友可斬邊留邊，坐到大牛市派對完結。
今日推介未炒過嘅價質殼恒都（725）
。「玩嘢咩唐牛，噚日爆升15%破曬頂，咁都叫未炒過？」稍安毋躁，回帶去番舊年7月，本欄亦曾推介恒都，當時一度高見1.75元，現價較當時僅高13%。用「僅高」一啲都唔過份，試想想，舊年7月，冇滬港通，冇千億成交，冇私募基金南下，冇大媽掃貨。而家呢？三個字︰大時代！如果1.75元係合理價，現價就肯定大低水。再講，期內恒指升逾兩成，一隻細價股竟然要跑輸大市，點計都係未炒過。
恒都細細粒可塑性高
咁究竟係咪大低水呢，我選擇用數字去說服你︰最新市值3.9億，入門殼價都未夠，其中物業廠房設備、投資物業連現金值都已經值4億，意味年年賺錢嘅業務免費送畀你；2002年起無間斷派息，進一步印證強勁財務狀況；大股東持貨74%，計埋冇露面嘅基金，街貨市值只得幾千萬，正宗細細粒容易食，無論炒貨疏抑或炒易手，難度分一樣係零。一旦有聰明錢相中或有好消息跟尾，每股NAV價2.48元，相信只係升浪中途站！
唐牛
https://www.facebook.com/tongcow88
唐牛
魚樂無窮 - 唐牛 舊文