中環迷你裙：疲於奔命的救市
■近日市況猶如睇緊套悲情片，又突然播《蠟筆小新》，令人無所適從。 劇照
周末出咗個極樣衰數據，出口按年跌8.9%，正當以為大市凍過水，周一殺出個「國企改革」推高滬指5%，好喇！市場解讀為阿爺谷咗國改先，冷不防人仔中間價單日創滙改最大跌幅。這情
況，就好似Samantha喊住睇緊套悲情片，突然鏡頭一轉，頂，你播《蠟筆小新》？分析員最慘，噚日未分析完國企改革，今日就要搞人民幣。
人仔今次大貶值，唔少人話是一箭雙鵰（市場化+穩增長），但市場說了算，中港股市倒跌。Sam認為人仔這程度貶值救不了出口，論鬥平，馬幣和印尼盾17年新低仲平；論競爭優勢，強國勞動成本每年遞增，最攞命是工業革命過後，勞動力將會出現負增長，大國優勢不再。
阿爺名義上救出口商，點知錯手一揮打中海外借錢的企業，彭博指，中間價跌1.9%，已令未償美元、歐元債券的中國公司，償債成本增780億元，講到咁，Sam也覺得個市越來越難玩。
若覺得美元概念有得炒，可以留意傢俬股順誠（531），美國佔其收益九成，去年微賺，毛利率升1.9個百分點，料受惠美國樓市復蘇，11厘息，博食鋪雞糊都唔錯。
Samantha
https://www.facebook.com/stocksamantha
本欄逢周三、五刊出
Samantha
中環迷你裙 - Samantha 舊文