異動空間：議息之後點走
見報之時，世紀加息已有了斷，飽食兩個多月驚風散的大戶、散戶，無論結果如何都是一種解脫。就好似打工仔轉工，轉之前總會有諸多憂慮和不安：新同事合得來嗎？老闆是否工作狂，自己隨時有返工、冇收工？工作自己能應付嗎？附近膳食、交通如何？轉工前一排，這些問題往往在腦海想了
不止一遍，越諗通常越驚越愁，搞到精神緊張，個人好down。不過，到正式返新工，好多時會發覺自己諗多咗，這並非因為份新工真係好正，而係最壞情況已經諗過曬，有曬心理準備，到真正面對時就會冇咁恐慌，三個字講曬：預咗喇！
套用番落股市，港股經歷兩個半月跌浪，大陸經濟放緩、人仔持續貶值、巨額資金外逃、美國加息等負面因素，在恐慌拋售下，恒指已由高位最多大跌8,000點，多少已反映於股價，要再踩低個市，需要有之前未諗過、但更災難的事件出現。相反，如短線再冇黑天鵝，賭升的博值率和空間應略高於賭跌。始終即使經濟進一步惡化，亦需要三兩個月時間去蘊釀，不會一跌到底。股份方面，本月錄得多次回購的綠地香港（337）走勢轉強，黃金交叉出現，不妨留意。
魏力
http://www.facebook.com/2012jason
魏力
異動空間 - 魏力 舊文