魚樂無窮：
尋找17app概念股
■天鴿互動食正17app大熱，有力炒番轉；圖為集團主席傅政軍。 資料圖片
17app，唔係屬於新世界發展（017），而係最近紅到發紫嘅社交app，熱潮更由台灣吹到香港。點解會爆紅？好簡單，平時你撞到明星，少不免會評頭品足一番，進取嘅更會玩野生捕獲。17
app正好滿足凡人嘅要求，明星們透過視像直播，同粉絲直接交流，兩部手機將遙遠嘅距離無限拉近。
「咁只係得追星族玩啫，有幾巴閉？」明星與粉絲交流只係17app嘅其中一個功能，唔少好似唐牛咁嘅宅男，都會透過17app睇佢心目中嘅女神玩直播。有乜睇？最簡單嘅就係齋talk，唔係講笑，有啲爆紅嘅素人，唔使唱歌跳舞，只係讀留言都吸引過千人睇，非常誇張。最重要嘅係，呢個app有分紅制度，粉絲可透過手機按心心，只要累積一定數目嘅心心，就會有分紅，簡單嘅講，粉絲越多，分到嘅錢就越多。
講咗咁耐，覺唔覺得呢個概念同一間上市公司嘅運作模式好相似？冇錯，天鴿互動（1980）正正係做緊呢瓣嘢，旗下兩大平台9158.com及SINA Show，有大量美女在網上主持節目，極受宅男歡迎，課金源源不絕，帶動中期盈利按年增長15%，業績好過唔少科網股，公司更積極拓展手機平台，月度活躍用戶由Q114.8%大升至Q2嘅18%，乘住17app大熱，天鴿有力炒番轉，用圓底頸線做目標，四字頭冇難度！
唐牛
https://www.facebook.com/tongcow88
唐牛
魚樂無窮 - 唐牛 舊文