亮說亮話 - 湯文亮 2019年4月23日
馬上成為壹會員
會員註冊/登入
亮說亮話：招標真正受害者 - 湯文亮
招標賣樓過程被指透明度不足。資料圖片 適中字型 較大字型
有人話政府冇事搵事做，地產商用招標賣樓是跟足新樓銷售指引，但政府見到春節後樓價飆升，有理冇理認為是地產商招標賣樓引致，不過，政府又唔識得怎樣管理招標，於是由陳帆出面叫地產商自律，政府搞咁多事，最後只得一個人向地監局投訴，就算投訴成立，都是只得一個受害者，簡直是勞民傷財。
老友鬧得冇錯，但略嫌深度不足，政府叫地產商自律，並不是唔准地產商招標賣樓，而是要列出各項回贈及優惠，透明度增加，買樓的人都放心一些。至於到現在只得一個人投訴，代表用招標買樓的人絕大多數已經得到高回贈，唔好意思投訴，就算當日未攞到最高回贈，現在只要他們出聲，地產商為免麻煩，應該唔會推搪，所以，只得一個人投訴亦唔出奇。
既然用招標買新樓的人大多數都得到高回贈，代表新樓的真正樓價並沒有在市場上反映出來，大家都只是睇到表面價，令到有一些買二手樓的人見到新樓的樓價如此高昂，他們不介意多付一點，結果做成二手樓價急速上升，如果他們發現新樓原來有高達25%回贈，折實樓價比他們所買的二手樓更平，一定會很傷心，但又不能夠向EAA投訴。所以，我認為他們才是地產商招標賣樓下的受害者，不過，大家又不用擔心，那些人不會認為是買貴了，他們會話樓價只會「高高高」，有買貴冇買錯。
湯文亮
mailto:jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.finance.appledaily.com