Can Bank - 散子 2019年4月23日
馬上成為壹會員
會員註冊/登入
Can Bank：股市的粉絲經濟 - 散子
港股經過第一季之後，升嚇升嚇又返去三萬點，唔少人又心鬱鬱。資料圖片 適中字型 較大字型
復活節假期，難得休戰幾日，自然會同朋友、家人聚嚇，散子身邊非工作上嘅朋友，大部份都唔係來自財經界，幾日假期係筆者同真正老散交流嘅時機。港股經過第一季之後，升嚇升嚇又返去三萬點，唔少人又心鬱鬱，甚至係心動不如行動，衝返入股市搵食。
大家交流嚇心得筆者一向歡迎，但最怕有缺乏市場經驗嘅退休人士講「𠵱家靠炒細股價搵食」，聽到呢句有嬲嘅感覺，但好快轉為擔心，因為粉絲經濟不單在娛樂事業出現，股市更加係常見。注意力是一種有限資源，而且每個人都是有限的，所以市場上就出現咗一啲「搭棚」，娛樂版嘅所謂「職業Fans」，造就股價高、口碑低嘅股份，亦有唔少人睇住呢批股博一鋪，呢堆股份不時在十大升幅或跌幅榜出現。
呢啲虛無飄渺嘅泡沫一旦爆破，好難搵到一個好投資者，同市場講隻殼好年輕，仲有好長嘅路要行，隻殼都唔會出嚟開記者會話自己迷失咗，要停工搵返一個最真實嘅殼。何況經修訂後嘅上市條例規定停牌18個月嘅公司會面臨除牌。
散子
http://fb.com/ 散子-257101397966975
Can Bank - 散子 舊文
來源 source: http://hk.finance.appledaily.com