投資的天空 - 張士佳 2013年1月23日
投資的天空：睇上市通告尋寶 - 張士佳
大市上周本來一直在23200至23500之間上落，就連個股也受此拉鋸氣氛影響，炒風有所收斂，不過，美國無懼債務上限問題，擺脫早前較為落後的局面，帶動港股上周五企穩於23500樓上。
過去兩日大市唔算特別標青，不過，亦續創近期高位，筆者於約23600水平開了好倉，一直有留意本欄的讀者或會覺得奇怪，之前不是說炒大市都係事倍功半，暫時可免則免嗎？
筆者先前的想法確是如此，因大市窄幅波動太久，大家都看到即市期指每次有勢時大多是陷阱，實在唔炒好過炒。
不過，上周五港股出現突破，加上周末時間綜合不少市場評論，以及普羅投資者的看法後，發現實在有頗多人睇調整或希望調整，即係話不少市場參與者皆出現了一定程度的畏高症。
自己唔係故意拗頸，只係剛好圖表系統有訊號，市場人士又冇幾多個敢睇24000樓上，值博率反而變相大大提高。當然，大市升勢已久，在高位做好倉唔係人人有膽量，想做又唔想冒太大風險，其實不外乎兩個做法，一是控制注碼，二是慎選工具，例如利用認購期權輸曬有限的特性來博，亦是不錯的選擇。
炒即日鮮有作為
個股方面，雖然從整體來說，炒風似乎無早前般強，但實際上禾雀亂飛的情況延續，內房殼股喪炒不在話下，就連累積升幅唔少的前海概念股，亦可以憑一單消息瘋炒。
這段時間炒的主要是概念，相信大家手中都有一堆?巴，自己都冇需要畀貼士，建議花多一點時間看上市公司公告，或者早點起身睇報紙，見到一些唔識的股票，睇下圖，見即市起動玩下即日鮮，暫時應該仲有作為?。
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：豪華車擇肥而噬 - 胡孟青
下一則: Follow Me：金衛底厚博升134% - 高彰坡
投資的天空 - 張士佳 舊文