中環在線：測量師學會撤出中環搬近西環 - 李華華
CY都做過會長?香港測量師學會(HKIS)，一直係中環大業主香港置地?租客，成立咁多年，都係租用置地旗下寫字樓做總部。不過中環寫字樓租金實在太貴，HKIS都頂唔順，要「降呢」搬去上環永安中心，按地理計亦越來越近西環咁喎。
HKIS?1984年成立，創會初期同皇家特許測量師學會(RICS)共用太古大廈(現為遮打大廈)做總部。98年太古大廈拆卸重建，HKIS搬去對面怡和大廈，兩幢樓?業主都係置地。
大家都知中環寫字樓租金貴，但由於置地係HKIS成員之一，所以一直以市價平少少?價錢將寫字樓租畀HKIS。近年中環已經成為全世界最貴租商業區，寫字樓呎租閒閒?過百蚊呎，就算置地肯繼續平?續租，呎租都要接近100蚊，為免負擔太重，HKIS惟有搬離呢個租?15年?單位。
搬竇永安租27萬
佢??農曆新年之後就搬去上環永安中心12樓約6,000呎單位，面積同以前寫字樓差唔多，呎租就差得遠，只係45蚊，即係月租約27萬，簽約六年。現任會長賴旭輝話，計曬租金、搬遷成本後，開支都係少過續租好多，冇藉口唔搬，如果租金成本太貴，最終都係轉嫁落會員?會費度，惟有搬啦。
李華華
mailto:LiWaWa@AppleDaily.com
■測量師學會會長賴旭輝講到搬竇係要顧及會員荷包，咁實爭取到支持啦。
上一則: 普拉達上季銷售大減速
下一則: 中環在線：三馬賣保險中保監開綠燈 - 李華華
中環在線 - 李華華 舊文