中環在線：沈大師澳門贏番鋪 - 李華華
鑿唔掂肥佬黎大師過大海有計
人稱「沈大師」?明燈股評人沈振盈，上季戰意高昂咁參加《爽報》「300萬爽組合」，可惜季結時連肥佬黎一蚊都贏唔到，成績只算冇輸冇贏(微賺0.17%)，搞來搞去得個桔。但佢冇被打沉，復活節長假過?大海搏殺，仲?呂志和個賭場贏番筆旅費。
陸叔同場碰運氣
上周六中午?澳門銀河酒店個賭場見到沈大師，佢一支公?度玩電子花旗骰，見佢一身便服，著住條三間牌子運動褲，頭髮都冇蠟起，明顯係一個輕鬆放假look，唔係被賭場主人家邀請去巡視人?業務。
沈大師話，每逢有三、四日公眾假期，好似過年、聖誕、復活節長假，佢都會同沈太過大海玩幾日，由於佢?去到賭場就各有各玩，所以華華見唔到沈太蹤影，當日另一位股評人陳永陸「陸叔」亦?呢個場出現，但見佢好趕時間，一個閃身已消失於人群中。
■沈振盈以季軍身份得以繼續玩第二季「爽組合」，唔知會唔會有突破?。
■陳永陸?賭場內來去匆匆，估唔到放假都咁忙。
■呂志和點會怕你贏幾千蚊?，事關賭仔「十賭九輸」係金科玉律。
袋走呂志和幾千銀
照沈大師所講，佢應該玩過曬澳門各大賭場，以後搵人評澳門酒店同賭場質素，一定要搵佢先得。佢最近就覺得?銀河酒店賭錢最「就手」，大致都係手風順?意思。佢唔肯講今次贏幾多，只係話賺番房租、船飛、使費咁話，咁即係起碼贏走呂志和幾千銀啦，贏唔到肥佬黎，贏番呂志和都係好?。
正所謂有賭未為輸，沈大師以上季排第三?成績，今季可以繼續玩「爽組合」，佢打算主力炒市、炒輪，即係話，如果股市行單邊市，佢又買中?話，就有機會贏，睇?佢鍾意賭大細至真。
李華華
mailto:LiWaWa@AppleDaily.com
上一則: 鐵江現貨欲出售動力煤項目
下一則: 中環在線：恒隆小花貌似連詩雅 - 李華華
中環在線 - 李華華 舊文