周顯 [昔日新聞]
》 創仔轉主板前 不會殺散戶(2014/05/13)
創仔轉主板前 不會殺散戶
2014年5月13日
【明報專訊】幾日前，有朋友叫我介紹一隻股票來買，我隨口說：「中國汽車內飾(8321)啦。」
朋友問：「係咪贏梗架？」
我說：「家陣風頭火勢，五窮六絕，邊有贏梗的股票？不過買來炒炒，上望希望贏幾十個巴位，輸極有個譜，咪整呢隻你炒下囉。」
朋友問：「何解？請論述之。」
我說：「4億市值的股票，正準備創仔轉主板，家陣搏曬命，又發盈喜又盛，都係為?鷘鄋O呢壇big tea rice?隉A唔通會因小失大、殺一浸散戶，搞到連板都轉唔成咩。所以，由現在開始，到轉板成功為止，都係前七後七?鵀w全期，亂炒一通都唔怕。」
朋友問：「如果我唔想亂炒，想買些長線股票來?呢？」
亂炒股如落老蘭
我說：「可以長期持有的股票，一個月都不會有一隻，但是亂炒的股票，則好像落老蘭溝女，晚晚都可以找到機會。」
朋友問：「亂炒一通的股票，和落老蘭溝女，有什麼關係？」
我說：「落老蘭溝女，見有『餐屎面』，就撲上去，雖然有時會食白果，但都要咁做，鬼叫你咸濕，想食快餐咩，因為no venture no gain，你不願意冒食白果的風險，就沒有一夜情的機會。要亂炒股票，只要upside大於downside，就要撲去亂買，鬼叫你爛賭咩。如果你想找長線投資的股票，使乜三日唔埋兩日就來問我?貼士?隉A三個月問一次都得啦。」
朋友說：「真係唔夠你講。」
[周顯 投資二三事]
相關新聞內容 [更多]
投資二三事 - 周顯 舊文