實戰理論：中港股市仍未跌夠
■相信今次一．一九災難，震倉應未完，A股及港股仍有再下跌空間。 資料圖片
前日內地股市一．一九災難後，中證監出來穩定人心，中港股市皆反彈，但動力嫌不足。內地股市雖升，但券商股繼續捱沽，皆因融客買了大量券商股作貨底，相信股價越跌越有斬倉壓力。
蘋果動新聞昨日又用筆者來開玩笑，再係咁就要收肖像權費用。開玩笑本無傷大雅，但希望不要顛倒黑白。過去兩周筆者一直叫人沽A股獲利，反而片中訪問之人，話唔驚嗰位仁兄，可能才是高位買貨，只可以叫你唔好驚。記得去年十一月同台有一個講座，當時中資金融股冇人肯買，話有甚麼差價喎！佢仲叫人put平保（2318）及港交所（388）。當時平保六十元，港交所一百六十八元，筆者卻大力叫買。到月初全部升曬，仲點會叫買？相信今次一．一九災難，震盪應未完，港股及A股仍有再下跌空間。
半新股輪流炒作
近期上市的新股真的是輪流炒，上周上市的日成控股（3708），筆者在上市翌日叫大家留意，整固了三日後，昨終於一棍升上0.9元收市。點解要留意一些半新股，皆因月初大市曾作調整，投資者入飛不太踴躍，令街貨較集中。近日大市下跌，資金沽大指數股套現，轉短炒半新股。除日成之外，泰加保險（6161）及高鵬礦業（2212）走勢皆不俗。
高鵬礦業上市價0.88元，上市時筆者已推介予大家，其後反覆上升，於1.1元水平橫行，昨日最高見1.26元上市新高，收1.13元。若以市值計只得3.87億元，仍低於現時殼價。另外，走勢上日成控股有再展升勢之象。
沈振盈
證監會持牌人士
沈振盈
實戰理論 - 沈振盈 舊文