異動空間：不問價死坐股票
上周馬雲新聞氾濫，淘寶假貨多根本是常識，上市後業績走樣、股價大跌亦非新鮮事，反而趙薇三十億元入股阿里影業（1060）較值得講嚇。馬雲橋多夠創新，搞文化娛樂track record係掂，之前跟佢在華誼搵食嘅導演馮小剛、黃曉明、李冰冰等人都發曬，趙薇跟隊落注，與散戶信股評人往績而中冧把降沒兩樣，也很合乎情理。
趙薇演技好形象正面，入股翌日阿里影業爆升一成，名人效應，但趙薇除科水外會點幫到公司業績？幫手拍戲？不知道。「趙薇信馬雲，我們信趙薇，所以我們信馬雲。」以呢種邏輯買阿里影業真係work？魏力深表懷疑。買入博短線十格八格波幅有可能，但博公司賺大錢，股價升幾個開？請用閒錢投資，畀幾年時間，仲要對馬雲有十足信念，買完忘記佢，不問價死坐先得。對今日買完聽日跌幾格已驚惶失措嗌救命的散戶，魏力建議忘記1060吧。
新鴻基公司（086）屬近期少見靚圖，破頂成交動力充沛，兼且破埋去年七月配股前高位，代表股價整固完成將踏入全新升浪，中線量度升幅可見九蚊，跌穿6.2元止蝕。
魏力
http://www.facebook.com/2012jason
魏力
異動空間 - 魏力 舊文