魚樂無窮：三隻異動股逐隻數
■卓悅4日時間爆升六成，成交曾創4年高。 資料圖片
下周美國議息，市況預期會轉趨沉悶，今日不如轉轉口味，搵幾隻異動股同大家分享嚇。
第一隻︰爪哇控股（251）。上月底傳出沽售核心物業——灣仔大新金融中心，即大棍崛起，兼有成交配合，雖然後來發通告否認，但股
價依然硬淨，繼續不停刷新歷史高位。原因之一，係公司繼續進行回購，大有肥水不流別人田之感，每股NAV17.69元，市賬率已升至逾0.7倍，股息率卻一厘不夠，少得可憐。呢個水位買入，只能博公司未來有大刁，釋放潛在價值。
第二隻︰卓悅（653）。周中發通告，有一名獨立第三方向控股股東表明，有意購買公司股份，雖無提及價錢與數量，也不知是新股還是舊股，但炒鬼一於少理，砌咗先講，四日時間爆升六成，成交曾創4年高，唔似乾炒牛河咁簡單，不妨候回試0.38元水平吸納，博有好消息跟尾。
第三隻︰金沙（1928）。上月澳門博彩收入只得164.25億澳門元，按年跌32%，兼創2010年9月以來嘅5年新低，但濠賭股股價異常硬淨，數據公佈當日更反高潮炒上，只要呢幾日能夠守住支持位，本月數據若符預期，板塊夠曬藉口炒上，作為抗跌力最強嘅金沙，必屬首選，如果怕坐貨，不妨用期權出擊，在24元Short Put，就算接貨風險也有限。
唐牛
https://www.facebook.com/tongcow88
唐牛
魚樂無窮 - 唐牛 舊文
來源 source: http://hk.apple.nextmedia.com